Ağciyər absesi

Giriş   

Ağciyər absesi – ağciyər toxumasında yaranan nekrotik absesi xarakterizə edir. Ən çox rast gəlinən səbəb pnevmoniyadır.   

Etiologiya  

• Pnevmoniya     
• Bronxektaziya     
• Ağciyər infarktı  

Simptomlar  

Ağciyər absesi, adətən, kəskin simptomlarla müşahidə olunmur:  

• Subfebril temperatur  
• Öskürək  
• Qoxulu bəlğəm  
• Hemoptiz (nadir rast gəlinir)  
• B simptomları (arıqlama, gecə tərləmələri, zəiflik)  

Diaqnostika  

Döş qəfəsinin rentgeni:   

• Əksər hallarda diaqnozu təsdiqləməyə kifayət edir  

Döş qəfəsinin kompüter tomoqrafiyası:   

• Ağciyər xərçəngi və ya vərəm kimi digər səbəbləri istisna etmək üçün gərəkli ola bilər  

Mikrobioloji müayinə:  

• Bəlğəm kulturu  
  • Qan kulturu  

Müalicə  

• Antibiotik terapiyası:   
  • Əksər hallarda uzunmüddətli (təxminən 6 həftə) antibiotik müalicəsi lazım olur. Anaerob flora da nəzərə alındıqda klindamisin əsas seçim preparatıdır.   
• Cərrahi müalicə:  
  • Antibiotik müalicəsinin uğursuz olduğu hallarda abses cərrahi yolla çıxarılır.