Dilatativ kardiomiopatiya

Giriş  

Dilatativ kardiomiyopatiya nadir rast gəlinən ürək xəstəliklərindən biridir. Bəzi genetik xəstəliklər də daxil olmaqla bir çox müxtəlif etioloji faktorlar bu xəstəliyə səbəb ola bilər. Müalicə imkanları zəif olmaqla yanaşı proqnoz, təəssüf ki, yaxşı deyil.  

Etiologiya   

• Genetik faktorlar  
• Neyromuskulyar xəstəliklər:  
  • Məsələn: Duşen (Duchenne) tipli əzələ distrofiyası  
• İnfeksion səbəblər:  
  • Miokardit
  • QİÇS  
  • Chagas xəstəliyi  
• Sistemik və autoimmun xəstəliklər:  
  • Qırmızı qurd eşənəyi  
  • Revmatoid artrit  
  • Amiloidoz  
  • Polimiozit  
  • Dermatomiozit  
• Dərman və narkotik maddələri:  
  • Sitostatik preparatlar: məsələn: antrasiklinlər  
  • Digər dərmanlar:   
    • Trisiklik antidepresantlar  
      • Tipik və atipik antipsixotik preparatlar  
        • Tirozin kinaza inhibitorları  
        • Anabolik steroidlər  
  • Narkotik tərkibli maddələr: kokain, amfetamin  
• Metabolik səbəblər:  
  • Tiamin və selen çatışmazlığı  
• Peripartal kardiomiopatiya (hamiləliklə əlaqədar inkişaf edən forma)  

Simptomlar  

Ürək çatışmazlığı simptomları ilə ortaya çıxır:  

• Təngnəfəslik  
• Periferik ödem  
• Döş qəfəsində ağrı  

Diaqnostika  

EKQ  

Müşahidə oluna biləcək mümkün dəyişikliklər:  

• Sol şaxənin blokası  
• Ventrikulyar ekstrasistoliyalar  

Laborator müayinə:  

• BNP ↑ ( ürək çatışmazlığını əks etdirir)  
• Etiologiyanı müəyyən etmək üçün aparılan müayinələr:  
  • İnfeksion səbəbləri çıxdaş etmək üçün: CRP, EÇS   
  • Tiroid hormonları  
  • Toksikoloji analiz (narkotik maddələr)  
  • Revmatoid faktor, ANA  

Exokardioqrafiya:  

• Sol qulaqcıq və mədəciyin dilatasiyası  
• Vurma (ejection) fraksiyası ↓  

MRT:  

• Miokardın struktur və funksional statusunu dəyərləndirmək üçün  

Endomiokard biopsiyası:  

• Mümkün səbəbləri istisna etmək/təsdiqləmək üçün:  
  • Məsələn: miokardit , amiloidoz  

Dilatativ kardiomiopatiya diaqnozunu dəqiqləşdirmək üçün digər işemik, valvulyar (qapaq mənşəli) və hipertenziv kardiomiopatiya çıxdaş edilməlidir.  

Müalicə  

Dilativ kardiomiyopatiyanın müalicəsi xəstəliyin səbəbi, simptomların ağırlığı və xəstənin ümumi vəziyyəti nəzərə alınaraq aparılır. Müalicə konservativ tədbirlər, dərman terapiyası, invaziv və cərrahi üsulları əhatə edir.  

Ümumi yanaşma  

• Kardiotoksik maddələrdən uzaqlaşmaq:  
  • Məsələn: spirt, narkotik maddələr  
• Müntəzəm fiziki aktivlik  
• Dekompensə ürək çatışmazlığı zamanı:  
  • Yataq rejimi  

Dərman müalicəsi  

• Ürək çatışmazlığının müalicəsi:  
  • AÇE inhibitorları, beta-blokerlər, aldosteron antaqonistləri, SGLT2 inhibitorları və s.  
• İnfeksion etiologiya olduqda:  
  • Müvafiq antimikrobial müalicə  
• Autoimmun etiologiya zamanı:
  • İmmunsupressiv terapiya  

Müdaxilə və digər cərrahi yanaşmalar   

• Kardial resinxronizasiya terapiyası (CRT)  
• İmplantasiya olunan kardioverter-defibrilliator (ICD)  
• Ürək transplantasiyası:  
  • Son mərhələ ürək çatışmazlığı zamanı  

Müalicənin məqsədi simptomların yüngülləşdirilməsi, həyat keyfiyyətinin artırılması və xəstəliyin irəliləyişinin ləngidilməsidir.